تحدثت الفنانة ايناس مكي، عن نجاح مسلسل" لن اعيش في جلباب ابي"، قائلة: "كنت ١٩ سنة ساعت ما عملته، ومكنتش متوقعة النجاح لأني كنت لسه وجه جديد وساعتها كنت بعمل برنامج" ناس وناس" وكنت عاملة شخصية مذيعة لتسعة والمخرج أحمد توفيق كان بيدور على حد يعمل روزالين فشاف الكراكتر واقترح على الفنان نور الشريف".
وتابعت مكي، خلال حوارها في برنامج " المنسي" هو برنامج على قناة ": "قابلته وخدت الورق وصورنا أول يوم وتاني بوم ومكنتش اعرف انه مبيحبش يتفرج على المونتور، فجأة تالت يوم تصوير حد من عمال البوفيه اتأثر بطريقة كلامي وبعدها لقيت الاستاذ نور رايح يتفرج على المشهد اللي بيني وبينه لقيت المخرجة رباب حسين بتقولي عارفة يعني اي استاذ نور يتفرج المونتور؟".
اختمت مكي قائلة:' بعد ما اتفرج على المشهد قعد يقولي برافو وكنت في قمه السعادة وبسبب نجاح الدور قعدت ٤ سنين كل ادوار الخواجاية اللي ف السوق كانت بتتعرض عليا وكنت بعتذر.
اقرأ المزيد.. فيلم مستر إكس يتخطى 17 مليون جنيه إيرادات فى 11 يوم عرض
